雖然二哥仲未領洗,但係佢已經具備左基督徒嘅精神,而佢生前亦接受咗神父嘅祝福,感受到與主同行同主嘅平安。我話俾二哥聽,雖然佢有病,但係其實天主已經俾咗好多恩寵佢,佢身邊嘅朋友一直都支持佢,而我地又可以重拾兄妹之情,二哥亦都表示好感恩,臨終前,佢話佢好安樂,叫我唔好難過,要開心,佢會喺一個安詳嘅地方等我,我相信這個就是天國。

二哥面對疾病嘅痛苦,確實好難受、好辛苦,但天主藉著佢呢個病,讓佢感受人間有情,讓佢感受到家人、朋友、學生對佢嗰份愛同支持,而透過佢個病,我亦都感受到二哥對我嘅愛意同親情,同時,二哥又將我地各個家庭關係拉近了,讓我地學習怎樣融洽相處。


最後,喺呢度我衷心多謝二哥身邊嘅朋友咁多年來對佢嘅照顧同關懷,更加感謝天主將我二哥嘅痛苦轉化為一D美善,同時讓佢認識天主,讓佢感受到天主所賜予嘅平安與喜樂。

二哥,我地會記住你嘅叮囑,我地永遠掛念你、祝福你同愛你,願你主懷安息。

SHARING BY SI KIT'S SISTER AT HIS FUNERAL
ChungSiKit_02
This Web Page Created with SiteSpinner Website Design Software